من ام محمد
ألطريقه ؛؛
اول شي بحضر خبز المسخن
3 كاسات طحين ، ملعقة خميره صغيره ، نص ملعقه ملح ص ، ماء دافئ حسب الحاجه ، ملعقتين زيت
بعجن المكونات مع بعض وآخر شي بضيف الزيت وبعجن وبتركها تتخمر تقريباً ساعه ونص بتكون جاهزه ... بقطع العجين لكرات متساوية .. بتركها ترتاح نص ساعه بعد التقطيع
وبفردها على شكل دوائر متساوية وبخبزها في الفرن
طريقه المسخن ؛؛
بذبل الدجاج مع بصله وملعقه زيت وبضيف ملح ، كركم ، ورق غار ، حب هيل
بضيف فريكه منقوعه وبغمر الدجاج بالمي وبتركه لحتى يستوي الدجاج .. بشيله وبحضره في صينيه للتحمير ( بضيفلو ملعقتين بصل من تاع المسخن ، بابريكا ، سازون جويا ( بهار دجاج ) وسماق )
وعلى مرقه الفريكه بضيف خضار ( جزر ، كوسا ) مقطع صغير وبتركه لحتى يستوي وبتكون الشوربه جاهزه
بكون محضر البصل ( بصل مقطع صغير .. بذبلو مع زيت زيتون وبضيفلو حبه بندوره مقطعه صغير ورشه زعتر ناشف بتركهم يتسبكو شوي ... وبضيف ملح ، فلفل ، سماق وهاك بكونو جاهزين ...
بحضر الخبز الي حضرتو بدهن القاع بزيت زيتون والوجه بمرقه الفريكه .. وبضيف البصل وبفهده على الخبز
بخبز المسخن بالفرن وبحمر الدجاج ... وصحتين
