من ميرفت لبابيدي
الهريسة السورية
3 كاسات سميد الافضل خشن او وسط
كاسة ونص سكر
كاسة مي
تلتين كاسة لبن زبادي منخلط معه نص ملعقة صغيره بكنغ صودا
نص كاسة سمنه دايبه
ملعقة صغيرة بكتغ باودر ورشة ملح
للقطر كاستين سكر وكاسة مي وعصرة ليمونة ومننكه القطر بالقرفة او المازهر وملعقتين سمنه يفضل حيواني للاطيب
عالنار منحط المي والسكر ليسخن ومنكون خلطنا السميد مع البكنغ باودر مع السمنه بطريقة البس ومنزيد اللزبادي مع البكنغ صودا ومنحرك بطريقة الخلط عالخفيف منزيدالقطر السخن ( المي والسكر اللي حطيناهن عالنار مو قطر التحليه ) ومنخلط بحركة دائرية خفيفة بس يتختلط المواد مو عجن بس خلط. ( زيادة الخلط والتحريك او العجن بتقسي اللهريسه ) منترك الخليط يرتاح 5_6 ساعات
مندهن الصينيه بالسمنه او الطحينه ومنمد الخليط بكون صار سميك ومنمسد ومندهن بالفرشايه او بالملعقة قلبل من السمنه مع ملعقتين تلاته قطر ليلزقوا المكسرات اذا رغبنا ومنكون من قبل ناقعين المكسرات بمي ومنصفيهم ليضلوا رطبين ويتحمصوا بدون مايحترقوا عالخبز
منخبز الهريسة حوالي 30 دقيقة على 180 ومنحمرها من الاعلى اذا احتاجت. لتاخد اللون الحلو ومامنبالغ بالخبز حتى ماتنشف وبتقسى الهريسه
منطالعها من الفرن ومنصب عليها مباشره القطر وهو ساخن ومنتركها تشرب القطر براحتها وتنبرد تماما قبل التقطيع والتقديم وبالعافيه
