من ميرفت لبابيدي
كيك الجزر 4 بيض
كاسة ونص سكر وملعقة فانيليا و كاسة زيت
ملعقة كبيرة خل
كاستين ونص طحين منخول ( وممكن نحناج ملعقتين كمان بعد مانزيد الجزر ببين معنا اذا المزيج منيح او بيتحمل هالزيادة )
مع ملعقة كبيرة بكنغ باودر وملعقتين كبار قرفه وملعقة صغيرة زنجبيل بودرة
و كاسة ونص جزر مبشور وجوز مفروم نص كاسة
وازا بتحبي الزبيب كمان بتحطي شوي بعد ماتخلطي الطحين
منخفق البيض مع السكر ومنزيد الزيت ومنخفق لمدة خمس دقائق بعدين منضيف خليط الجزر والمكسرات مع الطحين ومنزبدهم عالسوائل ومنخفق ليختلطوا تمام وبكون جاهز للخبز بقالب مدهون زيت وطحين ( صبايا ببين معنا قوام الكيك لازم يكون اقرب للتقيل شوي مو كتير يعني مو خفيف او سائل زيادة )) وبكون الفرن حامي من قبل على حرارة 180 حوالي 40 _ 50 دقيقة بتفرق بحسب حرارة الفرن وحجم القالب وصحتين وعوافي :))
وصوص التزيين منقدر تخليه مجرد سكر بودرة مخلوط مع كمية حليب قليلة كتير ورشة فانيليا
او بتحبي تعملي الصوص اللي انا عملته وهو عبارة عن حليب مكثف وجبنة كيري وحليب بودرة وممكن تزيدي قشطة حسب ازا بتحبي تخليه يصير اتقل حتى تستعمليه كحشوة وبالعافية ☺️
